大家都知道高廸出名鐘意用曲線，不過佢風格未成熟果時都有用直線架，大師之所以為大師，就係彎又好、直又好，都係運用自如、非常出色，維森斯之家喺2005年獲列為世界文化遺產。 維森斯之家（Casa Vicens）就係佢嘅早期作品，係高廸為實業家維森斯(Manuel Vicens)而建嘅私人別墅。樓高四層，大約13萬呎。建築風格以伊斯蘭設計為主，線條修長筆直，主要用紅磚同花瓷製造出多變嘅幾何圖案（棋盤、花卉）；摩爾式屋頂塔同小天使雕像亦係亮點，而棕櫚葉形狀嘅鐵藝柵欄與院內嘅棕櫚樹互相輝映，充滿異域風情。係咪好唔似高廸嘅風格呢？    其實設計風格係會隨住人嘅成長而不斷改變，少年時代嘅你同成年嘅你有冇